Guillermo Fernández Romo deixa de ser adestrador do Rácing de Ferrol

O Rácing confirmou este martes que o seu adestrador, Guillermo Fernández Romo, "non continuará formando parte do staff técnico da entidade" unha vez "finalizada a súa relación contractual co club verde", que concluíu a súa participación ligueira o pasado sábado.

Nun comunicado, o equipo naval afirmou que tampouco seguirá no corpo técnico Elías Martí, que exerceu como asistente do preparador madrileño desde a súa incorporación ao equipo o pasado mes de xaneiro polo cesamento previo de Pablo López.

A sociedade deportiva agradeceu o seu "compromiso e profesionalidade, así como desexarlles sorte nos proxectos privados e profesionais que emprendan no futuro".