Tráfico recrea un accidente de tráfico cun camioneiro que foi acusado de homicidio en Pontevedra
Á reconstrución acudiu a xuíza, o fiscal e a letrada da Administración de Xustiza
Servirá para tratar de esclarecer como se produciu o accidente
Esta fin de semana celebrouse a reconstrución dun accidente que se produciu na rotonda do Vao no mes de abril pasado, na PO-531, en sentido Vilagarcía. No suceso un home, de 48 anos apareceu tirado na estrada despois de que, presuntamente, un camión o levase por diante e non parase para socorrelo.
Na reconstrución participaron axentes da Garda Civil de Tráfico, testemuñas e o presunto autor. Tamén acudiu a xuíza, o fiscal e a letrada da Administración de Xustiza.
Trátase de facer unha recreación dos feitos posicionando persoas e vehículos en espazo e tempo e poder esclarecer así se o camioneiro puido decatarse do golpe. O home foi detido no mesmo día e está investigado por un delito de homicidio imprudente.
