Toque de recollida en Cataluña e Asturias pecha o ocio nocturno

Cos contaxios disparados, Asturias anuncia novas restricións. Pecha o ocio nocturno un mes e o interior de toda a hostalería terá que baixar a verxa á unha.

Mentres, en Cataluña, o presidente da Generalitat pediulles aos cataláns que reduzan ao máximo as ceas de Noiteboa.

Alí, entrou en vigor a pasada medianoite o toque de recollida, deixando imaxes de rúas desertas e de moita policía despregada para controlar que os locais pechasen á súa hora.

Polo de agora, o Govern mantén as previsións de facer cabalgatas de Reis.