Toni Pérez: "O partido ante o Bassano está marcado en vermello para nós"
O equipo de Juan Copa afronta a cita sen un dos seus grandes bastións: Bruno Saavedra
O conxunto de Juan Copa mídese este xoves ao Bassano, en Italia (20:45 horas), para dar un paso adiante no grupo da morte e achegarse á súa clasificación para a final a oito que decidirá o cetro continental, pero afronta a cita sen un dos seus grandes bastións: Bruno Saavedra.
O compostelán foi sancionado con seis partidos lonxe da pista tras golpear a Zé Miranda nunha acción do último duelo fronte ao Benfica. A pesar de que unha das virtudes do cadro liceísta é, precisamente, a súa fortaleza colectiva, a ausencia de Bruno complica os plans do corpo técnico colexial, obrigado a reorganizar as súas pezas para non botar de menos a un dos xogadores máis destacados da campaña.
Ao Liceo quédanlle catro finais continentais sen un dos seus homes máis en forma, que terá que reservar as súas enerxías para os choques de OK Liga e Copa do Rei.
O partido do Bassano, o máis inmediato, tamén é un dos que máis vai esixir ao conxunto coruñés.
Toni Pérez: "É un partido marcado en vermello para nós".
A pesar de que partía con cartel de cincenta entre os xigantes do Grupo B, o conxunto italiano hase propulsado en 2026. Desde a súa derrota en Riazor, só perdeu dúas dos once partidos que disputou entre todas as competicións.
