Tolemia en Ferrol coas entradas xa esgotadas para o Racing-Celta B
Álex López: "É algo emocionante para todos, pero para os que somos de aquí é algo que nos enche de orgullo"
Tolemia en Ferrol. Desde as sete da mañá, as inmediacións do estadio estaban cheas de socios na procura dunha entrada. Unha cidade entregada, unha afección orgullosa e ilusionada. Máis de once mil persoas ateigarán este sábado A Malata. Ninguén quere perder o duelo co filial do Celta. Pola tarde, o Racing anunciaba que xa non quedaban entradas á venda.
🚨Entradas Esgotadas🚨#AMalataEstaraChea pic.twitter.com/EQOUqlhHn4
— Racing Club Ferrol (@racingferrolsad) May 23, 2023
Esta mañá vimos o capitán do Racing, Álex López, emocionado coa resposta da afección
"É algo emocionante para todos, pero para os que somos de aquí é algo que nos enche de orgullo".
"É importante a identidade que está xerando o grupo. O racinguismo medra".
O Racing ten na súa man a opción do ascenso directo e volver ao fútbol profesional catorce anos máis tarde.
