Todo preparado para gozar da noite de San Xoán

  As praias da Coruña sufriron unha contra concentración parcelaria no día máis festeiro do ano. Cadaquén na súa parcela adaptada ás necesidades dos que se xuntan. Un contan que serán ata 45 entre familiares e amigos. Hai grupos de rapazada que se reunirán entre 15 e 20 para pasar a noite.

 Xa esá repartida a leña, a fogueira maior preparada. Aos areais achéganse os coruñeses de toda a vida, os que fixeron desta a súa cidade e os que de paso por aquí non queren perder a experiencia da noite máxica. Unha colombiana afincada na cidade di que non lle chega a hora de que o ambiente se poña ´chévere'. Unha turista italiana que xa coñecía a cidade di estar emocionada por ver as fogueiras e divertirse na festa.

E unha noite especial para grandes e pequenos. Un rapaz de pouco máis de sete anos conta emocionado que vai quedar ata media noite para ver os fogos. Un coruñés vestido coa indumentaria do Deportivo da Coruña di que para el é a noite máis especial e a que abre de verdade o verán.

Na Coruña agardan 150.000 persoas gozando da noite de San Xoán. Na praía de Panxón contan con reunir 60.000 persoas. Aquí só están permitidas as grandes fogueiras na praia que fixo a comisión de festas.

San Xoán costeiro ou San Xoán do interior. Toda Galicia incluída a capital cheirará esta noite a sardiñas, a lume purificador e a festa. Meigas fóra!