Unha veciña de Moaña vive cercada polo lixo dunha muller con síndrome de Dióxenes
A muller xa morreu, pero o lixo aínda queda na vivenda lindeira
Carmen Allú, unha muller de Moaña, ten a casa cercada polo lixo e non a pode usar. Mantén fiestras e portas tapiadas para que os refugallos da vivenda lindeira non entren na súa.
O pasado abril morreu a muller que padecía a síndrome de Dióxenes. O Concello limpou a vivenda pero aínda quedan residuos no predio do lado.
Carmen xa non sabe a quen recorrer. Leva máis de dez anos fóra da casa por este motivo e agora quérella deixar á súa filla. Requiriu máis de cinco veces ao Concello pero non lle fixeron caso. Ponlle de escusa a presenza de dúas acacias na casa.
Allú ten unha hepatite autoinmune polo que é moi sensible a calquera virus ou bacteria. Di que cando vai á casa ás veces escoita os ratos tras as portas.
Dáse a circunstancia de que unha vez fixo unha limpeza exhaustiva e deixou as bolsas de obra co lixo na rúa e puxéronlle unha denuncia no concello e tivo que retiralas.
Agora coa chegada da calor o problema de cheiro e podremia increméntase polo que prega por unha solución urxente e porque rematará sendo un problema sanitario para todo a zona.
