Publicador de contidos

Publicador de contidos

Temperaturas por riba dos 30 graos no mes de outubro

Temperaturas por riba dos 30 graos no mes de outubro

O verán de San Miguel deixa oscilacións térmicas de 20 graos entre día e noite

A provincia de Ourense rexistra as mínimas e as máximas de Galicia

G24.gal 02/10/2022 19:39 Última actualización 02/10/2022 20:09

A golpe de domingo, nin o sol madruga en Ourense. A néboa fixo baixar o termómetro ata os 10 graos na cidade, pero as mínimas da provincia, e de Galicia, rexistráronse unha vez máis en Calvos de Randín, cero graos, Xinzo e Verín, que roldaron os 4 de madrugada.

O contraste térmico entre o día e a noite anda polos 20 graos, ata 25 nalgúns lugares, coma os nomeados Verín e Calvos. Estas temperaturas prolongan a sensación estival en plena estación da caída da folla.

En Ourense cidade, o termómetro subiu ata os 31,7 graos ás cinco e media da tarde, a temperatura máis alta de Galicia, e tamén subiron dos 30 en Vilamartín de Valdeorras e no concello lucense de Ribas de Sil.

Durante a tarde, veciños e visitantes reproduciron as estampas típicas do verán, tomando o sol á beira do río, mesmo bañándose, paseando pola sombra ou practicando o terraceo.

Publicidade
Publicidade
Publicidade
Publicidade
Pódeche interesar