Temperaturas por riba dos 30 graos en Ourense

O día amenceu con nubes altas na provincia de Ourense, houbo bancos de néboa na Limia, en Monterrei, e tamén treboadas, no oriente da provincia: ata cen raios caeron en concellos como Viana ou A Veiga contra o mediodía.

Pero ao longo da xornada, os ceos foron despexando e subiron as temperaturas, entre 31 e 32 na conca do Miño, en Ourense cidade, en Leiro e en Castrelo, pero a máxima da provincia, e de toda Galicia, foi en Verín, 33 graos.

Un día moi caloroso, só aliviada esa sensación térmica polo vento, e, polo tanto, un día ideal para refrescarse nas praias fluviais da provincia.