Somos persoas maiores a partir dos 60 anos de idade?
A OMS marca esa cifra como inicio da idade avanzada no ámbito global, malia variar en función das condicións de vida de cada país
Segundo a Organización Mundial da Saúde, a partir dos 60 anos unha persoa xa pode comezar a considerarse de idade avanzada. Pero os nosos maiores semellan non estar moi de acordo con esa clasificación, a teor da lembranza que teñen de cando eran sexaxenarios.
O límite establecido para a mediana idade ten carácter global, xa que dependerá da calidade de vida de cada rexión do mundo. Ben o saben os profesionais que se dedican ao coidado das persoas maiores, que sinalan que as actividades axudan a prolongar o benestar dos anciáns, incluso ata o punto de poderen recuperar a súa independencia.
"A idade, ao final, é un número. Aquí hai persoas de máis de 90 anos que están participando nas actividades diarias con total normalidade. Si é certo que son atividades orientadas e apoiadas polo persoal, pero cando ven que son capaces de realizalas iso anímaas a seguir participando e a superarse no día a día", sinala Mónica Pardo, directora da residencia de maiores de Palas de Rei.
Estímase que en Galicia hai unhas 900.000 persoas maiores de 60 anos.
.png)
