Tres mortos por un brote de gripe A nunha residencia de anciáns de Sevilla

Tres persoas morreron en Sevilla como consecuencia dun brote de gripe A que se produciu na residencia de anciáns do hospital da Santa Caridad de Sevilla. Ao parecer, a enfermide afecta, neste momento a outros seis residentes máis e a unha enfermeira.

Fontes da Consellería de Sanidade, Presidencia e Emerxencias, da Xunta de Andalucía confirmaron á axencia EFE que cinco dos dez afectados polo brote tiveron que ser ingresados nun centro hospitalario, onde faleceron.

O servizo de Vixilancia de Saúde Publica activou os protocolos para evitar novos contaxios, de forma que se suspenderon as actividades extraordinarias ao redor da residencia, como a visita prevista para este sábado pola Irmandade do Baratillo dos Reis Magos, que nas súas redes sociais informa de que a propia dirección da institución pediu que se suspendese.

Así, "seguindo o mesmo formato empregado durante a pandemia", a irmandade fará entrega dos agasallos aos residentes a través do persoal do centro.