Só unha de cada catro persoas con discapacidade ten traballo en España

En España, só unha de cada catro persoas con discapacidade ten un traballo. Para darlle a volta a esta estatística, hai iniciativas como a que coñecemos esta mañá: o programa Talentos. Lévao adiante Inserta Empleo, entidade da Fundación ONCE, e busca fomentar a contratación dun colectivo que en Galicia suma 240.000 persoas.

Así é que organizaron eventos, en sete polígonos industriais galegos, que van darlles información sobre a discapacidade directamente ás empresas, pensando de xeito moi especial nas pequenas e medianas.