Veciños de San Cristovo de Monterrei sinalizan camiños para axudar na extinción dos lumes
A idea xurdiu de Guillaume e Isabelle que deixaron Francia para vivir en San Cristovo, atraídos pola tranquilidade e a paisaxe, pero o ano pasado a falta de covertura complicou a extinción dos lumes que a pouco arrasan co seu paraíso
Desañaron cinco rutas polas que poden pasar os camións e indicaron o percorrido cunha trintena de sinais feitos amoreando pedras e cunha lousa para marcar a dirección
Guillaume e Isabelle deixaron Francia, hai xa un par de anos, para vivir en San Cristovo, atraídos pola tranquilidade e a paisaxe, pero, o verán pasado, un gran lume transformou en cinsa o seu paraiso. Un incendio ao que acudiron equipos de extinción de distintos puntos de Galicia e mesmo de fóra da nosa comunidade.
Os problemas de cobertura complicación a actuación destes efectivos. Para que non se volva repetir, decidiron sinalizar todos aqueles camiños que rodean a aldea e polos que poden pasar os camións con seguridade. Fixérono coas pedras que hai no monte, un sistema barato e resistente ao lume. Amoreáronas para marcar o percorrido.
En total, cinco rutas que tamén trasladaron a un mapa que lle facilitaron aos equipos de emerxencias e a un folleto que repartiron entre os veciños para todos poidan axudar. Unha iniciativa que xa queren replicar noutras aldeas da zona.
