Publicador de contidos

Publicador de contidos

Simulacro de accidente grave en Ferrol para concienciar das normas viarias

Simulacro de accidente grave en Ferrol para concienciar das normas viarias

Uns 40 profesionais de emerxencias participaron nesta simulación, cun autobús implicado, feridos e mesmo un hospital de campaña

A I Semana da Seguridade Viaria da cidade busca sensibilizar e avaliar os recursos para facerlles fronte a sinistros graves

G24.gal 17/05/2022 14:50 Última actualización 17/05/2022 15:27

"Un vehículo que circula en sentido contrario, salta a mediana e impacta contra un autobús; ese autobús xira sobre si e bate con dous vehículos que veñen pola súa dereita. Como resultado do accidente haberá un vehículo totalmente bloqueado cuxos ocupantes non poden saír e teñen que ser liberados, outro vehículo incendiado e a partir de aí entran en xogo, a partir do 112, todos os grupos operativos".

Este pesadelo viviuse hoxe no centro de Ferrol. É o simulacro que describe o xefe da Policía Local, José Antonio Chao, e para o que se dispuxo un dispositivo de emerxencias formado polo 112, Policía Local e Nacional, Protección Civil, bombeiros e persoal de emerxencias sanitarias. Unhas 40 persoas para atender a grave situación en plena avenida de Esteiro.

Este exercicio forma parte da Primeira Semana da Seguridade Viaria que se celebra na cidade e que ten un dobre obxectivo: "Ver os nosos puntos fortes e débiles para mellorar neste tipo de intervencións se se producisen, e tamén visibilizar o papel que desenvolver as forzas de seguridade e emerxencias neste tipo de sinistros".

Porque unha imaxe, ás veces, vale máis que mil palabras, este tipo de simulacións teñen un gran valor para sensibilizar a poboación sobre a importancia de respectar as normas viarias. Nesta ocasión, por fortuna, o sinistro rematou sen vítimas.

Publicidade
Publicidade
Publicidade