Morre un motorista de 25 anos tras sufrir unha caída en Cerdedo Cotobade

Un motorista de Bueu, de 25 anos, faleceu este sábado en Cercedo Cotobado logo de sufrir unha caída na estrada PO-235, no punto quilométrico 5, en Augasantas.

O suceso tivo lugar arredor das 17:15 horas da tarde deste sábado.

O motorista ía acompañado da súa moza, de 24 anos que quedou ferida grave tras sufrir a caída. Os servizos sanitarios trasladárona ao hospital de referencia. Ambos os dous son veciños de Bueu. 

Ata o lugar achegáronse o Servizo de Urxencias Sanitarias de Galicia-061, o helicóptero medicalizado con base en Santiago de Compostela, a Garda Civil de Tráfico e Protección Civil de Cotobade.