O Celta mereceu o empate nun partido con protagonismo arbitral
González Fuertes sinalou tres penaltis a prol do Real Madrid, Benzema trasnformou dous deles
Tamén decisiva a revisión do VAR para anular o gol de Galhardo na primeira metade
Minuto a minuto
Con incidentes na previa, o Celta convértese en xuíz do campionato de liga neste treito decisivo e busca tres puntos ante todo un Real Madrid para chegar a esa cifra que teoricamente certifica a permanencia matemática (40 puntos)
Esta é o once de partida elixido por Coudet:
💪💙🔥
— RC Celta (@RCCelta) April 2, 2022
𝑪𝑬𝑳𝑻𝑨, 𝑪𝑬𝑳𝑻𝑨, 𝑹𝑨, 𝑹𝑨, 𝑹𝑨! #CeltaRealMadrid #RCCelta pic.twitter.com/PFDjRY4gKK
Comeza o fútbol en Balaídos, move o balón o Celta!
A primeira do Celta!!
Recibiu Aspas un gran pase de Denis, encarou e rematou coa dereita. O seu disparo petou nun defensor do Madrid e rematou nun córner que acaba nas mans de Courtois
González Fuertes sinala falta de Aspas en ataque nunha acción con Militao cando o de Moaña quedaba só diante do gardameta madridista
Clarísima a prol do Madrid!
Xogada de moitísimo ritmo, centro de Lucas Vázquez o segundo e Benzema que estivo a piques de facer o primeiro da tarde en Balaídos. Comezou entretido o encontro
Parou Courtois!!
Que ben o Celta, que gran combinación e tivo que sacar a man o cancerbeiro belga ao disparo forte de Denis dende fóra da área. Agora remata alto Murillo
Tapou Dituro!
Cedeu Casemiro para Vinicius e o gardamallas do cadro celeste tivo que rexeitar a córner
Gol de Benzema
González Fuertes sinalou penalti de Nolito cando Militao tentaba rematar a porta. O dianteiro francés engana a Dituro para adiantar o Real Madrid superado o primeiro cuarto de hora de fútbol
Falta de Kroos a Denis, suculenta para Aspas
QUE PARADÓN DE COURTOIS!
Maxistral a execución da falta de Aspas e o gardamallas belgas que voou para sacar unha man espectacular e evitar o empate
E outra falta perigosa a prol do Celta para Aspas!
Topou coa barreira desta quenda
Gol anulado a Thiago Galhardo
É un centro de Nolito nunha falta lateral, o dianteiro brasileiro remata e o balón acaba entrando. González Fuertes considera que Aspas impide que Alaba despexe e logo da revisión do VAR anula o tanto
Tentou Aspas un gol olímpico inverosímil! Dominando o Celta ao bordo do descanso
Tempo de lecer en Balaídos, boa primeira parte dun Celta ao que só lle faltou o gol.
Benzema adiantou o Real Madrid cando Gónzalez Fuertes sinalou penalti de Nolito a Militao.
Aspas tívoa de falta para os celestes e o propio colexiado logo da revisión do VAR o tanto de Galhardo foi anulado
Comezou a segunda metade!
Parou Dituro o lanzamento forte de Modric!
Deixaron completamente só na frontal o croata que non dubidou en zouparlle, maxistral a man do gardamallas do Celta
Arriba Asensio, empezou mellor o Madrid esta segunda metade
GOOOL de Nolito!
Gran xogada do Celta combinando moitos pases consecutivos, Aspas atopando o oco, Galán encontrou o gaditano que de primeiras coa zurda empata o partido!
Atopou porta Nolito cinco meses despois
Tívoa Galhardo!
Aperta o Celta co apoio do seu público e coa confianza do tanto do empate
Primeiro troco no Celta, sae Galhardo e entra Cervi
Clarísima para o Celta!!!
Que centro de Aspas con rosquiña, incomprensiblemente Aidoo non foi quen de rematar cando tiña todo a favor para anotar o 2-1
DITUROOOOOO para salvar o Celta!
Penalti de Murillo sobre Rodrygo a prol do Madrid sinalado por González Fuertes. Dituro adiviña as intencións, gáñalle a partida a Benzema e detén a pena máxima para manter o empate no partido
Penalti a prol do Madrid, moi discutible a acción de Kevin sobre Mendy que sinala como pena máxima González Fuertes
Na terceira partida de estratexia entre Benzema e Dituro neste partido, o francés engana e pon por diante de novo o Real Madrid en Balaídos
Asubíos e cánticos en Balaídos en contra da arbitraxe
Aperta o Celta na procura do empate, tentouno Kevin agora. O seu disparo bateu nun defensor e acabou en córner
Non chegou Mina a rematar o centro de Aspas!
Maxistral a defensa do Celta para impedir o remate de Ceballos
Demasiado protagonismo de González Fuertes sinalando ata tres penaltis a prol do Real Madrid nun partido no que o Celta mereceu como mínimo o empate.
Con personalidade, os de Coudet buscaron o tanto do empate ata na derradeira xogada con Dituro subindo a rematar o córner, pero non puido ser
