Giráldez di que ten unha "tranquilidade maior que a estas alturas da tempada pasada"

A visita do Racing, un recentemente ascendido que aínda non puntuou a domicilio e vén de encaixar un doloroso 7-2 no Camp Nou, esixe unha reacción inmediata ao Celta e a Claudio Giráldez, no seu peor momento no banco celeste desde que substituíu a Rafa Benítez en marzo de 2024.

O Celta e o seu técnico xóganse moito no partido de mañá. De momento, a confianza da directiva segue sendo plena nel, pero un sector da afección xa puxo no punto de mira ao adestrador, que tomou as rendas do equipo na zona baixa da táboa e clasificouno nas últimas dúas tempadas para disputar a liga Europa. Giráldez parecía intocable para o celtismo. Os seus éxitos devolveron a ilusión a unha afección que se acostumara a convivir co sufrimento de evitar o descenso tras a marcha do arxentino Eduardo Berizzo.

Pero o pésimo arranque de Liga e a derrota ante o Omonia na competición continental acenderon as luces de alarma en Balaídos. No último partido no estadio vigués, o pasado domingo fronte ao Málaga, xa houbo pitos ao equipo. A afección sente que Giráldez volveuse máis conservador, traizoando o seu ideario futbolístico. A iso únese a crítica polas súas excesivas rotacións -non repetiu aliñación desde a súa chegada ao primeiro equipo-.

"Non podemos sentir que en setembro xogamos unha final. Precisamos traballo, perseveranza e unión".

"Teño unha tranquilidade maior que a estas alturas da tempada pasada".

Por iso, o duelo de mañá é dunha urxencia real. Para o Celta e para Giráldez. Un novo tropezo ante o Rácing deixaría o equipo na UCI durante a parada ligueira. A falta de pegada -tres goles en sete partidos- invita a pensar na primeira titularidade de Borja Iglesias esta tempada, malia que o técnico dixo que "so está para 45 minutos".