Sen sinal de televisión e teléfono nas parroquias ferrolás de Covas e Esmelle

Premen o botón do mando a distancia para ver a televisión e o que lles sae na pantalla é que non hai sinal.

É o día a día duns tres mil veciños das parroquias ferrolás de Covas e Esmelle que aseguran ter problemas tamén cos seus teléfonos.

Mesmo houbo quen tivo que instalar fibra para asegurarse de ter conexión e poder traballar desde a casa.

Falaron xa con varios técnicos e agora, por fin, cren saber a orixe e a posible solución a este problema.

Mentres, din, seguirán escoitando a radio e lendo libros.