Sen incidencias relacionadas coa eclipse en Galicia entre as 350 rexistradas
Houbo retencións de tráfico en vías principais como a AP-9, pero sen graves consecuencias
Eclipse desde a praia de Riazor. Lavandeira Jr/EFE
O 112 Galicia xestionou unhas 350 incidencias na comunidade entre as doce do mediodía e ata as sete da tarde deste mércores, pero ningunha delas garda relación co evento.
Segundo informou o Centro Integrado de Atención ás Emerxencias de Galicia, si que tivo coñecemento de retencións de tráfico en vías principais como a AP-9, pero sen graves consecuencias.
Desde as 12 do mediodía o número de chamadas atendidas polos xestores e xestoras do CIAE superou o milleiro (1.111) das cales 350 implicaron a mobilización de recursos de emerxencias, pero en ningún caso relacionada coa eclipse.
En todo caso, continúa activo o operativo especial, polo que as cifras poden variar, advertiron desde o centro de emerxencias.
