Falece unha moza de 20 anos que participaba como copiloto no Rally de Llanes
O piloto do seu vehículo quedou ferido e a organización decidiu suspender a competición
Imaxe do coche enviada pola Garda Civil. EUROPA PRESS
Unha moza de 20 anos que participaba como copiloto no Rally Villa de Llanes perdeu a vida este sábado nun accidente. O piloto do vehículo quedou ferido. A organización decidiu suspender a competición.
Segundo informa a Garda Civil, sobre as 13:50 horas o coche, un BMW 320, foise da vía pola marxe dereita da estrada no tramo do Mazucu e incendiouse.
Ata o lugar dos feitos desprazáronse varias patrullas do sector de Tráfico de Ribadesella e un equipo de investigación de sinistros viais procedente de Luarca.
A Escuadra Villa de Llanes acordou interromper definitivamente os tramos cronometrados da proba automobilística ao considerar que tras o ocorrido a competición "carece de toda importancia".
"Esta difícil e triste decisión adoptouse como sinal de profunda dor e máximo respecto (cara á vítima e os seus achegados)", declarou.
