Segunda dupla escala de cruceiros na cidade da Coruña no que vai de mes

Cada vez que un trasatlántico atraca no porto da Coruña esperta a curiosidade de quen se achega pola zona portuaria. 

O Resilient Lady visitou de novo A Coruña logo de facelo por primeira vez en agosto. Un buque só para adultos con 20 restaurantes a bordo, pista para correr e ata ring de boxeo. Coincidiu no porto en dupla escala con outro buque de luxo de menor tamaño. En total, máis de 3.200 cruceiristas. 

Este mes de setembro haberá seis duplas escalas máis. A previsión é pechar o ano con máis de 150 escalas e 350.000 pasaxeiros. Estímase que o tráfico de cruceiros ten un retorno económico para a cidade duns 30 millóns de euros anuais.