Seguen os problemas polo ruído nocturno no barrio do Orzán

No último vídeo que unha veciña do Orzán gravou hai un par de días pode verse como ás sete menos cuarto da mañá as rúas do barrio seguían cheas de xente. É a proba que teñen para denunciar un problema que segundo din lles toca vivir case a diario.

Para moitos, de pouco serven as medidas que se están a aplicar agora. Insisten en seguir pedindo unha maior presenza policial, porque aos veciños do Orzán xa non lles queda moita paciencia.