Segue o tempo de verán e Ourense acada os 31 graos marcando a máxima de España
Segue o tempo de verán e Ourense acada os 31 graos marcando a máxima de España
En Boiro non quedaron atrás con 28 graos e na capital de Santiago chegaron aos 26
Este sábado continúa o bo tempo, aínda que polas mañás e polas noites hai un forte descenso das temperaturas
Ata os peregrinos están descolocados, viñeron con abrigos e chuvasqueiros, pero non pensaron no traxe de baño. Quen ía contar con temperaturas de verán a mediados do mes de abril.
Ourense acadou os 31 graos marcando as temperaturas máximas de España. En Boiro non quedaron atrás con 28 graos pero a xente, nin con días solleiros, esquece a chuvia dos pasados meses.
Na capital de Galicia os termómetros marcaron ata 26 graos. Turistas, peregrinos e santiagueses están encantados. Despois dun inverno moi chuvioso, ninguén se resiste a sorrir con este bo tempo.
Este sábado continúa a calor, pero non se esquezan das temperaturas mínimas, que seguen sendo as de abril: esta pasada noite en Ourense houbo 8 graos mentres que en Verín os termómetros marcaron 2,4 graos, a mínima de Galicia.