Volve a chuvia a Galicia tras o verán máis seco e caloroso desde 1961
As chuvias deixaranse notar nas provincias da Coruña e Pontevedra, serán escasas no suroeste de Lugo e algo na provincia de Ourense
O verán de 2026 foi o máis seco e caloroso en Galicia desde 1961, o que provocou un rápido declive nas reservas hidricas e está afectando seriamente o campo
Sindicatos, como Unións Agrarias, falan de perdas de máis de 164 millóns de euros no campo
Chegan as primieiras chuvias a Galicia tras o verán máis seco desde 1961. Segundo MeteoGalicia, as previsións son de chuvia moderada que se van notar principalmente nas provincias da Coruña e Pontevedra, escasas no suroeste de Lugo e escasas na provincia de Ourense. Estas chuvias veñen acompañadas dunha baixada drástica de temperaturas, especiamente notables despois dos valores rexistrados todo o verán.
Pois así temos o radar🌧️☔️
— MeteoGalicia (@MeteoGalicia) August 23, 2026
⏹️Precipitacións entrando polo suroeste de #Galicia con descensos das temperaturas en varias zonas da metade oeste. Co avance do día as chuvias chegarán a máis zonas🌂☔️ e posibles treboadas⛈️#FelizDomingo pic.twitter.com/K0ksUJGHw9
Segundo as previsións de MeteoGalicia, a chuvia vai continuar ao longo de semana e irá evolucionando en dirección leste ata alcanzar tamén as provincias de Lugo e Ourense.
📢Alta probabilidade de chuvia a vindeira semana☔️
— MeteoGalicia (@MeteoGalicia) August 22, 2026
⏹️A chegada dalgunhas frontes deixarán chuvias máis probables na metade oeste de #Galicia e tamén na metade leste pero con menores acumulacións.
🧐Cómpre seguir as predicións. #FelizFinde pic.twitter.com/saj2qynwxS
O verán 2026 rachou varias marcas históricas desde que hai rexistros
O verán de 2026 considérase oficialmente o máis cálido e seco rexistrado en España desde que comezaron as medicións en 1961.
Segundo os datos da Axencia Estatal de Meteoroloxía (AEMET) para o bimestre de xuño e xullo, este período superou múltiples marcas históricas:
Temperaturas record: A temperatura media situouse en 24,5 °C, superando en 0,7 °C as anteriores marcas de 2022 e 2025, e quedando 2,9 °C por encima da media climática (1991-2020).
Precipitacións mínimas: É o arranque de verán máis seco da serie histórica, rexistrando só 17 litros por metro cadrado acumulados, por baixo dos mínimos anteriores de 1994 (21 l/m²) e 2005/2016 (27 l/m²).
Impacto hídrico: A falta de choivas e a persistencia de sucesivas ondas de calor provocaron un rápido descenso nas reservas dos encoros ao longo do verán.
Repercusions da calor e da seca da primavera e verán
A primavera e o verán de 2026 rexistraron a etapa máis seca da historia recente en Galicia, provocando un rápido declive nas reservas de auga e afectando seriamente o campo. Sen embargo foi un ano bo para o turismo. Especialmente porque ao bo tempo este ano engadiuse a eclipse solar. Pero Galicia non está habituada a unha seca tan prolongada e iso tivo repercusións negativas.
Estado dos encoros: Tras un inicio de ano húmido, a ausencia prolongada de precipitacións no verán deixou á conca de Galicia-Costa baixando velozmente de nivel. En encoros crave como Eiras e Baíña na área de Vigo obrigaron a activar prealertas e restricións de auga (como cortes en regas e baldeos) desde xullo.
Alertas municipais: En agosto, a escaseza hídrica levou a manter a 32 concellos en alerta e máis de 200 en prealerta nas provincias de Pontevedra e A Coruña.
Medidas excepcionais: A situación reabriu o debate político e institucional sobre a necesidade de construír novos encoros e explorar captacións subterráneas para reter a auga de inverno antes de que desemboque no mar.
Impacto nas colleitas e a agricultura.
Cultivos de horta e forraxes: A tensión hídrica extrema e as altas temperaturas continuadas aceleraron a perda de humidade no chan, minguando os rendementos da horta atlántica e reducindo o pasto dispoñible para a gandería.
Sector vitivinícola: Nas denominacións de orixe, como Rías Baixas, Ribeiro e Ribeira Sacra, a seca e as ondas de calor adiantaron a vendima. Aínda que a maduración do gran presenta boa calidade sanitaria, o tamaño do froito e o volume final de produción víronse significativamente recortados. Agora as chuvias chegan na segunda semana de colleita en lugares como a Ribeira Sacra. Os técnico consideran as chuvias beneficiosas, se non se prolongan no tempo e son mansas.
Sobrecustos operativos: Moitos gandeiros e agricultores tiveron que recorrer a suplementación alimenticia de emerxencia para o gando e ao uso extraordinario de camiones cisterna para abastecer as explotacións. Sindicatos como Unións Agrarias fala de perdas de máis de 164 millóns de euros. O sindicato basa os cálculos, divulgados este venres pasado, na redución da producción de forraxes, pastos e auga para os cultivos e a alimentación do gando.
