Xoias da historia da automoción espertan admiración en Sarria
Máis de 140 coches clásicos reuníronse no Campo do Río nesta quinta edición
Na exhibición fíxoselle unha homenaxe a Barreiros
Sarria acolleu este domingo a quinta concentración de coches clásicos, un evento no que participaron uns 140 automóbiles fabricados entre 1922 e 1995.
Varios modelos da marca Citroën dos anos vinte espertaron a admiración de todos aqueles que se achegaron ao Campo do Río
O evento estivo organizado polo Club Clásicos Sarria. O seu presidente, Iker Trevijano, comentou que en Sarria unhas cen persoas pertencen a esta asociación, veciños que comparten o gusto polos automóbiles clásicos, motivo polo que se animaron a organizar estra concentración. Nela tamén se lle fixo unha homenaxe a Barreiros, o ourensán que revolucionou o mundo do motor e que creou 25.000 postos de traballo.
A media mañá todos os vehículos concentrados marcharon para participar nunha ruta turística por Sarria e Samos, con visita incluída ao seu mosteiro.
