Acusado de violar a muller máis de 60 veces con outros cinco homes

O británico Philip Young e outros cinco homes foron acusados este luns dun total de máis de 60 delitos sexuais cometidos contra a que hoxe é a súa exesposa, Joanne Young, durante un período de trece anos.

Entre os feitos figuran violacións e a administración de estupefacientes.

Os feitos ocorreron entre 2010 e 2023.

Os cargos inclúen múltiples violacións, administración de substancias para someter a súa esposa, voyeurismo e posesión de imaxes indecentes de menores e de imaxes extremas.

Os outros cinco acusados son Norman Macksoni, de 47 anos, imputado dun delito de violación e posesión de imaxes extremas.

Dean Hamilton, tamén de 47 anos e sen domicilio fixo, está acusado de violación, agresión sexual por penetración e dous delitos de tocamentos sexuais.

Conner Sanderson Doyle, de 31 anos, foi imputado por agresión sexual por penetración e tocamentos sexuais.

Richard Wilkins, de 61 anos, afronta un cargo de violación e tocamientos sexuais.

Mohammed Hassan, de 37 anos, está acusado dun delito de tocamientos sexuais.

Philip Young permanece en prisión preventiva. O resto dos acusados atópanse en liberdade baixo fianza.

Todos deberán comparecer este martes ante un tribunal de Swindon, no suroeste de Inglaterra.

O superintendente detective Geoff Smith sinalou nun comunicado que se trata dun “avance significativo nunha investigación complexa e extensa”.

Indicou tamén que a vítima conta con apoio especializado desde o inicio do proceso.

A vítima, Joanne Young, de 48 anos, renunciou ao dereito ao anonimato. Isto permite que a prensa informe sobre a súa identidade e outros datos persoais nun xuízo que se prevé de interese público no Reino Unido.