Santiago remite á Xunta un novo informe para solicitar ser zona tensionada
No novo documento, descríbese o procedemento preparatorio dirixido á obtención de información relacionada coa situación do mercado residencial con datos procedentes de "fontes oficiais" autonómicas e estatais
O concelleiro de Urbanismo destacou os efectos positivos que conleva a declaración de zonas de mercado residencial tensionado, ademais das medidas de contención de prezos do alugueiro e que xa se constataron en máis de 300 municipios que contan con esta declaración
O concelleiro de Urbanismo de Santiago, Iago Lestegás, avanzou que este luns enviarase á Xunta o novo informe que acompaña á solicitude para declarar a cidade zona de mercado residencial tensionado.
Acompañado da voceira do Gobierno municipal, Míriam Louzao, explicou que a solicitude se aprobou na xunta de goberno local tras elaborar unha nova proposta a pesar de que a anterior solicitude xa era, ao seu xuízo, "correcta".
No novo documento, descríbese o procedemento preparatorio dirixido á obtención de información relacionada coa situación do mercado residencial con datos procedentes de "fontes oficiais" autonómicas e estatais.
De feito, nesta ocasión, a memoria xustificativa unicamente contempla datos oficiais que non se complementan con datos doutras fontes, xa que foi unha das críticas vertidas pola Xunta no anterior informe.
Só con esas cifras, dixo Lestegás, constátase un "incremento" do prezo medio do alugueiro do 40,26 % entre 2019 e 2024.
O concelleiro de Urbanismo destacou os efectos positivos que conleva a declaración de zonas de mercado residencial tensionado, ademais das medidas de contención de prezos do alugueiro e que xa se constataron en máis de 300 municipios que contan con esta declaración.
Por iso, o responsable de vivenda da capital galega espera que Santiago sexa "o próximo" concello considerado de mercado pensionado.
