Santiago pecha a ponte como un dos enclaves galegos con máis afluencia de visitantes

A zona vella da capital galega era na mañá deste domingo un ir e vir de visitantes. Para entrar á catedral, a ringleira daba a volta completa á praza da Quintana.

Polas rúas víanse sobre todo peregrinos. Nos tres primeiros días da ponte, a oficina do peregrino entregou 9.843 compostelas, máis da metade a estranxeiros. 

Distinguir turistas entre tanto camiñante non era doado e, cando demos con algún, varios dicíannos que para a próxima querían vir como peregrinos.

Algúns vendedores, aínda que non todos, confirmáronnos que incrementaran as vendas pola afluencia de xente.