Casa Histórica de Cambados, a vivenda que Elena converteu en atracción turística

Unha vivenda particular converteuse nunha exitosa atracción turística de Cambados. Elena, a súa propietaria, ábrelle a porta a todo aquel que queira visitala. Ela mesma se encarga de desvelar as sorpresas que ofrece a casa. Goza contando cada detalle, di que non quere que os visitantes pasen por alí "coma maletas por un aeroporto". E a súa voz e todo o que hai dentro conseguen unha viaxe no tempo.