Santiago, ateigado de xente para celebrar a Ascensión dous anos despois

Turistas, peregrinos e composteláns comparten hoxe o ambiente festivo que se vive en Santiago, onde as festas da Ascensión recuperan o seu protagonismo tras a pandemia.

Ambiente que se deixaba notar na ocupación das terrazas e tamen na contorna de Alameda, onde se concentran as atraccións de feira.

Unha xornada de festa que nesta ocasión ten o bo tempo como aliado para poder gozar de todo o programa de espectáculos polas rúas da cidade, concertos e tradicións como as verbenas.

Por diante 4 días de festa para resarcirse das que non se puideron desfrutar nos últimos dous anos.