Salta a medianeira, acaba envorcado no sentido contrario e sae polo seu propio pé

Aparatoso accidente na AP-9 á altura de Cambre. Un coche saltou a medianeira nese punto, deu varias voltas de campá e acabou envorcado no sentido oposto da circulación. Malia o espectacular do accidente, o condutor conseguiu saír polo seu propio pé do coche. 

E a chuvia intensa condicionou tamén a circulación noutros puntos da rede de estradas de Galicia. En Santiago, por exemplo, houbo varios accidentes con feridos. No periférico chocaron varios coches en cadea e ocasionaron un grande atasco de tráfico.