Rueda reivindica o compromiso da Xunta coa prevención dos riscos laborais

As cifras de absentismo laboral en Galicia aumentaron nos últimos anos e sitúanse arredor do 8 %. Isto supón uns 850 millóns de perdas para a Seguridade Social.

Os datos deunos o presidente da Xunta na inauguración do novo centro de Ibermutua na Coruña. Alfonso Rueda dixo que é preciso rebaixar esta cifra para mellorar a competitividade. Iso si, asegurou que é necesario facelo priorizando a saúde dos traballadores.