Roundtree completa o cadro de xogadoras do Ensino

O Durán Maquinaria Ensino recupera unha artífice do último ascenso á máxima categoría. Volve Margaret Roundtree, de trinta e catro anos e un metro oitenta e tres. Pasou pola Liga Feminina de baloncesto en que militou durante sete temporadas en equipos de Euskadi. Polo medio xogou no Ensino co que ascendeu en 2018. Coa fichaxe de Roundtree péchase o cadro do Durán Maquinaria Ensino para a próxima temporada. Falta por saber quen será o técnico.