Tres accidentes con 13 coches implicados provocaron retencións na AP-9 á altura de Cambre

Importantes retencións na AP-9 á altura de Cambre por tres accidentes de tráfico, un no quilómetro 10, outro no 11,500 e o terceiro no quilómetro 12, todos sentido Santiago. Ocorreu a primeira hora deste luns

A Garda Civil contou tres coches no primeiro sinistro, outros tres no segundo e sete no terceiro. Polo de agora foi atendida unha persoa.

Ata o lugar acudiron Urxencias Sanitarias, Bombeiros de Betanzos e persoal da autoestrada.

Foi necesario cortar un carril para que os axentes regulasen o paso.