Rescatan unha aguia real atrapada na grella dun coche que tivo un accidente en Vilagarcía

Os servizos de emerxencia de Vilagarcía de Arousa rescataron unha aguia real que quedou atrapada na grella dun turismo despois de que este sufrira un accidente.

A agrupación de Protección Civil da localidade arousá, informou que o accidente sucedeu nas proximidades da praza da estación de tren.

Os profesionais dos bombeiros desprazados ao lugar tiveron que empregar ferramentas hidráulicas para liberar a aguia. Logo trasladárona a un centro de recuperación de fauna.