Rescatan en Xunqueira de Espadanedo un home despois de permanecer máis de 24 horas no fondo dun barranco
Rescatan en Xunqueira de Espadanedo un home despois de permanecer máis de 24 horas no fondo dun barranco
Os familiares denunciaron a súa desaparición na mañá do sábado
O operativo de rescate conseguiu evacuar ao ferido, que presentaba diversas lesións e non podía moverse
Imaxe cedida polos Bombeiros de Maceda
Este sábado un home septuaxenario, veciño de Cristosende, no municipio da Teixeira, foi rescatado despois de permanecer máis de 24 horas no fondo dun barranco tras sufrir un accidente de tráfico en Xunqueira de Espadanedo, Ourense.
O condutor saíra do seu domicilio na tarde do venres, coa intención de alim aos seus animais. Pero non regresou a casa, polo que os seus familiares denunciaron a súa desaparición na mañá do sábado.
O accidente
O home saiu de vía co seu vehículo e caeu por un desnivel duns oito metros, segundo declaracións dos Bombeiros de Maceda. Con todo, quedou inmobilizado na parte baixa do barranco, sen posibilidade de pedir axuda durante horas.
Na tarde do sábado un veciño da zona, que se atopaba nas inmediacións, escoitou uns berros de auxilio. Tras localizar a orixe das voces, deu o aviso aos servizos de emerxencia.
O operativo de rescate conseguiu evacuar ao ferido, que presentaba diversas lesións e non podía moverse, aínda que estaba fóra do coche e notablemente mollado polas recentes choivas.
Debido á complexidade do terreo, foi necesaria a intervención dun helicóptero medicalizado, que trasladou ao accidentado ao Complexo Hospitalario Universitario de Ourense (CHUO) para a súa atención médica.
Imaxe cedida polos Bombeiros de Maceda
