Un ferido tras bater un coche contra un bus escolar en Baiona

O choque dun turismo cun bus escolar saldouse cunha persoa ferida en Baiona este martes. O sinistro produciuse ás 14 horas na estrada EP-2205 ao seu paso pola Granxa.

Bateron un coche e un autobús de transporte escolar, que ía sen pasaxeiros no momento de producirse o accidente.

O condutor do vehículo quedou atrapado tras o impacto e para poder liberarlo solicitouse a intervención dos Bombeiros de Baixo Miño, así como dos membros do GES de Val Miñor.

O condutor do autocar resultou ileso, o mesmo que o seu acompañante.