Cargando resultados...
Rescatan en bo estado os dous tripulantes dun pesqueiro afundido fronte a Estaca de Bares
O Padriño afundiuse a seis millas ao noroeste do cabo e a súa radiobaliza activou o aviso
Foron localizados nunha balsa salvavidas pola Salvamar Shaula
G24.gal
13/08/2025 17:26
Salvamento Marítimo rescatou en bo estado os dous tripulantes do pesqueiro O Padriño, que afundiu este mércores a seis millas ao noroeste de Estaca de Bares.
A alerta saltou ás 12:20 horas, cando se activou a radiobaliza da embarcación.
Ata o lugar desprazouse a Salvamar Shaula, con base no porto de Cariño, que localizou os mariñeiros a bordo dunha balsa salvavidas e os rescatou.
O helicóptero Helimer 402 tamén se mobilizou para inspeccionar a zona do afundimento e garantir que non quedasen restos ou riscos para a navegación.
.png)
.png)