O helicóptero 'Pesca I' rescata en Ons a un traballador do Parque Nacional das Illas Atlánticas
O traballador caeu nun desnivel rochoso de catro metros na illa de Ons, polo que era necesario un helicóptero para o rescate
O home tiña unha forte comoción tras sufrir golpes na cabeza, costela e brazo
O ferido foi trasladado ao Hospital Álvaro Cunqueiro de Vigo para ser tratado das feridas
.png)
Helicóptero 'Pesca I'. Imaxe de arquivo de Gardacostas de Galicia, Salvamento Marítimo
O equipo do helicóptero 'Pesca I' rescatou a un traballador do Parque Nacional dás Illas Atlánticas tras caer nunhas rocas na illa de Ons.
O home sufriu unha forte conmoción polos golpes do impacto; golpes na cabeza costelas e brazo, segundo informa Emerxencias de Galicia
O Home caera por un desnivel rochoso de catro metros de profundidade polo que para seu rescate era necesario un helicóptero.
O accidente produciuse na illa de Ons, fronte ao illote de As Freitosas, tal e como explicou un compañeiro do traballador ferido na súa chamada de auxilio ao 112 Galicia pasadas as oito da tarde deste sábado
Os xestores do Centro Integrado de Atención ás Emerxencias de Galicia avisaron a Salvamento Marítimo, que confirmou a saída do equipo do 'Pesca-I', do Servizo de Gardacostas. Tamén púxose en prealerta aos Bombeiros do Morrazo e á Garda Civil.
Os rescatadores do 'Pesca-I' sacaron ao ferido das rocas e trasladárono ata o Hospital Álvaro Cunqueiro de Vigo, onde recibiu a asistencia sanitaria necesaria.
