Falece un home despois de sufrir un golpe dunha vaca en Muras

Un home perdeu a vida na tarde deste xoves tras sufrir un accidente cunha vaca no lugar de Carelle Grande, na parroquia do Burgo (Muras).

O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora golpeado polo animal.

De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil.

Unha vez no punto, os profesionais sanitarios só puideron confirmar o falecemento do home.