Rescatado o corpo sen vida dun home na Senda da Auga ao seu paso por Redondela

Un home de 80 anos faleceu este sábado na Senda da Auga, ao seu paso polo concello de Redondela, tras esvaecer e precipitarse por un valado de dous metros de altura.

Un ciclista avisou os servizos de emerxencia sobre as 9:35 horas. Segundo a Policía municipal, o falecido paseaba na compaña dun veciño cando sufriu un vaído e caeu a unha pista de difícil acceso.

🔴 #AXEGAInforma do falecemento dun home nunha zona de difícil acceso en Redondela.

📍 Senda da Auga, na parroquia de Cedeira.
▶️ O corpo foi localizado por un particular que ía en bicicleta e tivo que ser rescatado polos servizos de emerxencia.

🔗 https://t.co/BOq6n1wfi2 pic.twitter.com/DbzH6eiY7Z

— 112 Galicia (@112Galicia) December 27, 2025

 

Ata o lugar, na parroquia de Cedeira, desprazouse persoal sanitario do 061, o GES de Mos, os bombeiros de Vigo e do Porriño, Protección Civil e a Policía Nacional e local.

Tras rescatar o corpo, só puideron certificar o falecemento do home que tiña patoloxías previas.

FOTO: GES de Mos