Os incendios obrigan a pechar a conexión por tren con Madrid ata novo aviso
O operador ferroviario pon autobuses para completar o traxecto dos convois afectados
Óscar Puente pide "desculpas ás persoas que tiveron que pasar a noite nas estacións"
Renfe suspendeu para o que resta deste xoves a circulación na liña de alta velocidade Madrid‑Galicia pola negativa evolución dos incendios próximos á vía.
A circulación dos trens de alta velocidade entre Galicia e Madrid volveu interromperse pola reactivación do incendio, case dúas horas despois de que o servizo se restablecese tras a inspección "satisfactoria" de Adif.
En concreto, o corte prodúcese entre A Pobra de Seabra e Ourense por orde de Protección Civil (CECOPI Castela e León), segundo unha nova mensaxe de Renfe a través de X, explicando que "os trens que se atopaban en traxecto serán apartados en estacións ata que poida garantirse a continuación da circulación"
‼️ACTUALIZACIÓN 18:00:
— InfoRenfe (@Inforenfe) August 14, 2025
Suspendidas todas las circulaciones entre Madrid-Zamora-Ourense para la jornada de hoy debido a la evolución de los incendios que afectan a este trayecto.
https://t.co/iqFBrSCwlc
Tras o corte deste mércores, o operador ferroviario anunciara ás dez do restablecemento do servizo, pero apenas durou dúas horas. A suspensión dos trens xerou acumulación de pasaxeiros nas estacións galegas e na madrileña de Chamartín, aos que se lles deu a opción de cambiar e anular os seus billetes sen custo ningún.
O operador ferroviario deu alternativas de transporte con autobuses para completar o traxecto dos convois afectados, pero moitos dos que saíron de Ourense tiveron que dar volta polo corta da autovía A-52.
A compañía ferroviaria custeou 176 cuartos nun hotel da capital para 267 viaxeiros con ligazón e necesidades especiais e distribuíu na estación de Chamartín un milleiro de bolsas de viaxe con comida e avituallamento.
Nunha mensaxe na súa conta oficial de X, o ministro de Transportes, Óscar Puente, pediu "desculpas ás persoas que tiveron que pasar a noite nas estacións". Cando parecía que o servizo se ía renovar, posteriormente suspendido de novo, Puente relataba que levou cinco horas de traballo repoñer o danado na liña do tren entre Galicia e Madrid, "e con moitas dificultades". Con todo, mantense cancelado o servizo.
A las 5:00 el Cecopi autorizó la salida de la exploradora. Tras 5 horas de trabajo para reponer lo dañado, y con muchas dificultades, se logra reanudar el servicio. Gracias a los trabajadores que lo han hecho posible tras una noche larga. Y disculpas a las personas que han tenido… https://t.co/sBeVTsBRBx
— Oscar Puente (@oscar_puente_) August 14, 2025
