Renfe modifica o horario de dez trens da Coruña por unha nova fase das obras na estación

Renfe modificará, a partir do 11 de xullo, os horarios de 10 trens polo inicio da terceira fase das obras para a futura terminal da Coruña, que realiza Adif.

Segundo informou a compañía nun comunicado, os cambios débense a necesidades operativas derivadas desta nova fase de traballos na infraestrutura, que implican restricións na circulación entre Uxes e A Coruña.

Os servizos que se verán modificados son: 9470 AVANT Ourense-A Coruña, nova saída ás 6:30 h (antes 6:40 h); 9480 AVANT Ourense-A Coruña, nova saída ás 7:45 h (antes 7:50 h); 9112 MD Vigo Urzaiz-A Coruña: nova saída ás 10:40 h (antes 10:35 h); 9132 MD Vigo Urzaiz-A Coruña: nova saída 13:45 h (antes 13:40 h); 9142 MD Vigo Urzaiz-A Coruña: nova saída 14:35 h (antes 14:40h); 9061 AVANT A Coruña-Ourense: nova saída ás 06:00 h (antes 05:50 h); 9351 AVANT A Coruña-Ourense: nova saída ás 15:08 h (antes 15:10 h); 9111 AVANT A Coruña-Ourense: nova saída ás 10:00 h (antes 11:25 h); 9182 MD Vigo Urzaiz-A Coruña, modifica a súa chegada ás 19:52 h; 4345 AVE Madrid-A Coruña, modifica a súa chegada ás 18:21h.

A compañía lembra que, neste contexto de obras, durante o seu avance poderían rexistrarse modificacións puntuais noutros servizos e recomenda consultar os horarios, incluíndo as paradas intermedias, antes de viaxar.

Actualmente, o servizo ferroviario na Coruña atópase na primeira fase de traballos para a nova estación, unha etapa que comezou o 5 de xuño e finalizará o próximo día 25.

Así, o 26 de xuño comezará a segunda fase de traballos, que implica a interrupción total da circulación na estación da Coruña.

Renfe programou un plan alternativo de transporte para garantir a mobilidade dos viaxantes con transbordos en autobús entre A Coruña e Santiago de Compostela ou Betanzos Infesta, en función do servizo.