Renato Tapia desaparece das aliñacións do Celta
Renato Tapia desaparece das aliñacións do Celta
Nos últimos tres partidos de Liga só disputou nove minutos
![](https://img-g24-crtvg.flumotion.com/prog24/2023/20230123/renatotapia.jpg)
O internacional peruano Renato Tapia desapareceu das aliñacións do Celta, e nos últimos tres partidos de Liga só disputou nove minutos.
Fichado en xullo de 2020, o mediocentro foi perdendo protagonismo no equipo co paso do tempo, e desde a chegada do técnico portugués Carlos Carvalhal unicamente foi titular no partido contra o Raio Vallecano.
O Celta non atravesa o seu mellor momento -unha vitoria no seu últimos once partidos ligas-, pero nin iso facilitou que Tapia entre nos plans do seu adestrador. Non participou no empate contra o Sevilla, e no últimos tres encontros -Elxe, Vilarreal e Mallorca- só tivo tres minutos en cada un deles.
Con contrato ata xuño de 2024, o futbolista negou recentemente que o seu desexo sexa abandonar o conxunto celeste, co que esta tempada participou en 14 partidos de Liga (648 minutos).