Reclaman que a traída chegue ás casas da Millarada, en Cospeito

Ao contrario ca no resto da parroquia de Pino, en Cospeito, no lugar da Millarada a traída municipal non chega aínda a todas as casas. Como resultado, as familias afectadas encóntranse a expensas de que os pozos non sequen para poder dispoñer de auga nos seus fogares.

Para poderen dispoñer deste servizo, os residentes na Millarada remitíronlle ao Concello varios escritos de reclamación. Ademais, quéixanse de que a traída si chega a outras casas que se encontran a apenas cen metros de distancia.

Pola súa parte, dende o Concello de Cospeito sinalan que os interesados deberán solicitar a traída individualmente.