A escaseza de auga mantén en alerta 32 concellos da Coruña e Pontevedra
As parroquias afectadas polos cortes de auga en Santa Comba comezaron a recuperar a sumbministración
Cambiamos de estación, e a situación dos nosos ríos segue sendo a mesma. Sen precipitacións, algúns caudais atópanse moi baixos e nalgúns concellos hai cortes de subministración. En Sata Comba, a auga comezou a regresar ás parroquias afectadas, pero a situación segue sendo delicada, malia os camións cisterna que mobilizou o Concello para compensar a falta de auga captada no río.
"Agora parece que con este corte fomos recuperan algo os depósitos e imos aguantando, esperando que esta noite ou mañá chova", explica Caros Turnes, gandeiro e concelleiro de Medio Ambiente en Santa Comba.
"Grazas ao alcalde que puxo camións con cisternas ímonos amañando ,pero a situación está crítica", di un veciño.
"Hai xente que ten pozos. O noso non podemos utilizalo porque a pouca auga que ten está contaminada", indica un gandeiro.
En Carballo, a imaxe do río Anllóns fala por si mesma. É un dos trinta e dous concellos da demarcación Galicia-Costa en situación de alerta por escaseza de auga. "Practicamente podes andar polo río sen mollarte", describe un veciño.
A ocupación dos encoros apenas supera o 52%. Son case catorce puntos menos que hai xusto un ano. Como en moitos outros concellos, aquí suspenderon a limpeza das rúas con auga potable e os regos nos xardíns e nas zonas verdes. Tamén houbo un chamamento ao consumo responsable.
A ausencia de chuvias obrigou á Xunta a declarar situación de seca prolongada as unidades do Ulla-Tambre e da Costa Norte.
