Boiro recupera o servizo de auga tras a avaría que obrigou as empresas a parar parte da produción
A ETAP de Padrón, que foi a orixe do problema, recuperou a súa actividade ao cen por cento
As empresas tiveron que buscar alternativas para sortear os cortes
Veciños das zonas altas da localidade tamén sufriron cortes de subministración
Todo comezou o martes cunha avaría na estación de tratamento de auga de Padrón. A planta xa está plenamente operativa, pero os efectos secundarios aínda se senten en Boiro.
O depósito que abastece o polígono industrial aínda non recuperou o caudal suficiente e as empresas seguen sufrindo as consecuencias. Algunhas tiveron que parar parte da súa actividade e outras buscar alternativas propias para tirar para diante.
Pero as dificultades non se limitan á zona industrial. Os veciños de Cimadevila ou do Monte do Sino están desesperados.
Desde o Concello descargan a responsabilidade, e avanzan que nas próximas horas se recuperará a normalidade. Nas billas comeza a saír auga. Pero o medo e a rabia non pasarán tan rápido.
