Reciben a alta dous dos bombeiros forestais ingresados na Coruña e catro seguen hospitalizados
A alta foi para dous bombeiros de 29 e 27 anos con queimaduras de segundo grao -afectan a capa intermedia da pel- no 8 % e 5 % do seu corpos, respectivamente, ambos os dous do incendio de Barreiros
Dous dos bombeiros forestais ingresados no Hospital da Coruña recibiron a alta, mentres outros catro seguen ingresados, informan a EFE este venres fontes do CHUAC. A alta foi para dous bombeiros de 29 e 27 anos con queimaduras de segundo grao -afectan á capa intermedia da pel- no 8 % e 5 % do seu corpos, respectivamente, ambos os dous do incendio de Barreiros (Lugo).
Seguen ingresados na unidade de queimados do CHUAC outros tres dese mesmo lume, todos con prognóstico grave, aínda que evolucionan favorablemente. Un bombeiro de 24 anos ten queimaduras de segundo grao, cun 25 % do seu corpo afectado, e intoxicación por inhalación de fume. Outro compañeiro de 25 anos sofre queimaduras de segundo grao nun 15 % do seu corpo. Hai tamén un de 24 anos con queimaduras de segundo grao e afectación do 10 % do corpo. Á súa vez, tamén con prognóstico grave e evolución favorable está aínda un bombeiro forestal dos incendios de Ourense en agosto, de 18 anos con queimaduras de terceiro grao e afectación do 40 % do corpo, ademais de intoxicación por inhalación de fume.
