Queda ferido leve nun accidente na AP-9 a poucos metros dun viaduto

O accidente ocorreu ás tres da tarde deste domingo na AP-9, no quilómetro 83 á altura do concello de Padrón. Un coche, que circulaba en dirección Santiago, saíu da vía nun momento no que chovía moito.

Por sorte, o condutor e único ocupante do vehículo, quedou ferido leve. Tras un primeiro impacto atravesou o quitamedos e desprazouse uns oitenta metros pola beiravía. Quedou a escasos metros do viaduto de Manzanillo.