Que facer coa la é un problema para os ovelleiros

Que facer coa la despois de rapar ás ovellas segue a ser un dos problemas máis importantes dos ovelleiros, que se topan con que non teñen apenas quen lles recolla este subproduto logo de rapar .

En España só quedan tres lavadoiros, ademais, hai que estar autorizado, segundo nos comenta Raquel González, técnica de Ovica.

Por iso dende este Foro da la tratan de ofrecer alternativas para empregar esta materia prima de formas diferentes ás máis tradicionais, por exemplo facendo calzado, xoiais ou puchos.

Estes foron algúns dos obxectos que se expuxeron en Lugo este sábado nun espazo aberto no que tamén se fixeron obradoiros e charlas para dar a coñecer os intereses dos produtores ao público.